ვეტოკეტი (VetoKet)

საინექციო ხსნარი
მხოლოდ ვეტერინარული გამოყენებისთვის

აღწერა

ვეტოკეტი (VetoKet) წარმოადგენს კეტოპროფენის შემცველ არასტეროიდულ ანთების საწინააღმდეგო საინექციო პრეპარატს, რომელსაც გააჩნია ანთების საწინააღმდეგო, ტკივილგამაყუჩებელი და სიცხის დამწევი მოქმედება. გამოიყენება მსხვილფეხა რქოსანი პირუტყვის, ღორებისა და ცხენების სხვადასხვა ანთებითი და მტკივნეული მდგომარეობების სამკურნალოდ.

შემადგენლობა

1 მლ შეიცავს:

• კეტოპროფენი – 100 მგ

სამიზნე სახეობები

მსხვილფეხა რქოსანი პირუტყვი, ღორები, ცხენები.

გამოყენების ჩვენებები

მსხვილფეხა რქოსანი პირუტყვი:

• კუნთოვანი სისტემის დაავადებების დროს ტკივილისა და ანთების შესამცირებლად;

• ცურის ანთებითი დაავადებების სამკურნალოდ.

ღორები:

• მშობიარობის შემდგომი დისგალაქტიის სინდრომის (მეტრიტი, მასტიტი, აგალაქტია) დროს;

• სასუნთქი სისტემის დაავადებების დროს, როგორც ანთების საწინააღმდეგო და სიცხის დამწევი საშუალება.

ცხენები:

• კუნთოვანი სისტემისა და სახსრების დაავადებების დროს;

• კოლიკით გამოწვეული ტკივილის სიმპტომური მკურნალობისთვის;

• ოპერაციის შემდგომი ტკივილისა და შეშუპების შესამცირებლად.

გამოყენების წესი და დოზირება

მსხვილფეხა რქოსანი პირუტყვი:
კუნთში ან ინტრავენურად – 3 მგ კეტოპროფენი/კგ სხეულის მასაზე დღეში (3 მლ/100 კგ სხეულის მასაზე) 3 დღის განმავლობაში.

ღორები:
კუნთში – 3 მგ კეტოპროფენი/კგ სხეულის მასაზე (3 მლ/100 კგ სხეულის მასაზე), ერთჯერადად.

ცხენები:
ინტრავენურად – 2.2 მგ კეტოპროფენი/კგ სხეულის მასაზე დღეში (1 მლ/45 კგ სხეულის მასაზე) 3–5 დღის განმავლობაში.

მნიშვნელოვანია:
კოლიკის შემთხვევაში მკურნალობა არ უნდა განმეორდეს კლინიკური გამოკვლევის ჩატარებამდე. კუნთში ერთ ადგილზე 5 მლ-ზე მეტი პრეპარატის შეყვანა არ არის რეკომენდებული.

უკუჩვენებები

• მომატებული მგრძნობელობა კეტოპროფენის მიმართ;

• კუჭ-ნაწლავის წყლულოვანი ან დაზიანებითი პროცესები;

• ჰემორაგიული დიათეზი;

• სისხლის დისკრაზიები;

• ღვიძლის, გულის ან თირკმლის ფუნქციის დარღვევა;

• სიცოცხლის პირველი თვის კვიცები.

გვერდითი მოვლენები

• კუნთში განმეორებითი ინექციის შემდეგ ადგილობრივი გაღიზიანება;

• კუჭ-ნაწლავის ტრაქტის გაღიზიანება ან წყლულის განვითარება;

• ღორებში მადის დროებითი დაქვეითება;

• ალერგიული რეაქციები.

მაკეობა და ლაქტაცია

ცხენებში კეტოპროფენის გავლენა ფერტილობაზე, მაკეობასა და ნაყოფის სიცოცხლისუნარიანობაზე დადგენილი არ არის. პრეპარატი არ გამოიყენება მაკე ცხენებსა და 15 დღემდე ასაკის კვიცებში.

ურთიერთქმედება სხვა პრეპარატებთან

• არ გამოიყენოთ შარდმდენ საშუალებებთან ერთად;

• არ გამოიყენოთ ანტიკოაგულანტებთან ერთად;

• არ გამოიყენოთ სხვა არასტეროიდულ ანთების საწინააღმდეგო საშუალებებთან ერთად ან მათი გამოყენებიდან 24 საათის განმავლობაში.

დოზის გადაჭარბება

შესაძლოა გამოვლინდეს:

• მადის დაქვეითება;

• ღებინება;

• დიარეა.

ლოდინის პერიოდი

მსხვილფეხა რქოსანი პირუტყვი, ღორები, ცხენები:

• ხორცი და სუბპროდუქტები – 4 დღე;

• რძე (ძროხა) – 0 დღე.

გამოშვების ფორმა

100 მლ საინექციო ხსნარი მოთავსებულია მუქი ფერის მინის ფლაკონში, რომელიც მჭიდროდ დახურულია რეზინის საცობით, ალუმინის ჩაჩითა და პლასტმასის მოსაძრობი თავსახურით პირველი გახსნის კონტროლისთვის. შეფუთულია მუყაოს კოლოფში.

შენახვის პირობები

• შეინახეთ მჭიდროდ დახურულ კონტეინერში;

• შეინახეთ მშრალ, სინათლისგან დაცულ ადგილას;

• შენახვის ტემპერატურა: არაუმეტეს 25°C;

• შეინახეთ ბავშვებისთვის მიუწვდომელ ადგილზე.

ვარგისიანობის ვადა: 3 წელი.

მწარმოებელი: შ.პ.ს ბიოტეკსი საქართველო, თბილისი, იუმაშევის ქ. №8.