კოფეინ-ნატრიბენზოატის ხსნარი 20% საინექციო ხსნარი, გამოიყენება ვეტერინარიაში, 

მსხილფეხა რქოსანი პირუტყვის, ცხენის, ცხვრის, თხის, ღორის, ძაღლის და კატისთვის, როგორც ცენტრალური ნერვული სისტემის მასტიმულირებელი საშუალება

შემადგენლობა

საინექციო ხსნარი შეიცავს: აქტიური ნივთიერებები:  კოფეინი- 80 მგ, ნატრიუმის ბენზოატი-  120 მგ;

არააქტიური ნივთიერება: საინექციო წყალი 1 მლ-მდე.  

სამიზნე სახეობა:

მსხილფეხა რქოსანი პირუტყვი, ცხენი, ცხვარი, თხა,  ღორი, ძაღლი, კატა.

გამოყენების ჩვენებები

პრეპარატი გამოიყენება ცხენების, მსხვილფეხა რქოსანი პირუტყვის, ცხვრის, თხის, ღორის, ძაღლისა და კატის ცენტრალური ნერვული სისტემის სტიმულირებისთვის ზოგადი მოთენთილობის, გადაღლის, მოწამვლის (მ.შ. სანარკოზე და სედაციური საშუალებებით), კუნთების სისუსტის, სამშობიარო პარეზისა და სხვადასხვა დაავადების დროს, რომელსაც თან ახლავს ცენტრალური ნერვული სისტემის, გულ-სისხლძარღვთა და რესპირატორული სისტემის ფუნქციის დათრგუნვა. ასევე გამოიყენება გულის შესუსტებული მუშაობის, ქრონიკული მიოკარდიტის, მიოდისტროფიის, ქრონიკული მიოდეგენერაციის დროს, როგორც სისხლძარღვების გამაფართოვებელი საშუალება თავის ტვინის, გულის და თირკმელების სისხლძარღვების სპაზმების და კუჭ-ნაწლავის ტრაქტის კუნთების სპასტიური მდგომარეობის (ნაწლავთა სპაზმი) დროს.

დოზირება:

პრეპარატი შეჰყავთ კანქვეშ, კუნთში შემდეგი დოზებით (ერთ სულზე გაანგარიშებით):

მსხვილფეხა რქოსან პირუტყვს,  ცხენს: 10 -25 მლ

ცხვარს, თხას, ღორს :  2 - 7 მლ

ძაღლს: 0,5-1,5 მლ

კატას:  0,2-0,5 მლ

დოზის მოცულობა და გამოყენების დრო დამოკიდებულია ცხოველის წონაზე და დაავადების მიმდინარეობაზე. საჭიროების შემთხვევაში, პრეპარატის მიღება შესაძლებელია 2-3-ჯერ, 7-საათიანი ინტერვალით.

გამოშვების ფორმა: 10 მლ საინექციო ხსნარი მოთავსებული უფერო მინის ამპულაში,  #10 ამპულა მოთავსებული მუყაოს კოლოფში

შენახვის პირობები

შეინახეთ მშრალ, სინათლისგან დაცულ ადგილას, არაუმეტეს 25°C-მდე ტემპერატურაზე 

ინახება ბავშვებისა და ცხოველებისთვის მიუწვდომელ ადგილას.

ვარგისიანობის ვადა:   3 წელი

მწარმოებელი: შპს ბიოტეკსი, საქართველო

დეტალური ინფორმაცია: https://biotecsi.ge/ka/product/139-caffeine-sodium-benzoate-20